Alkartasuna Sariak

Baiona.2024/10/26. Sari banaketa ekitaldiaren bideoak (erreportajea EiTBn -Iparraldearen Orena-):

- Euskadi Irratiko albistegietan

Alkartasuna Sariak

Baleak Elkartea, Philippe Aramendi, Jokin Etxebarria eta Irungo Harrera Sarea, Alkartasuna Fundazioaren saridunak

Euskal kultura eta euskara sustatzeagatik, normalizazio politikoari eta gizarte-kohesioari egindako ekarpenengatik eta migratzaileekin egindako lan humanitarioagatik Nestor Basterretxearen “Zazpiak bat” domina jasoko dute urriaren 26an, Baionan.

2024/10/17

Alkartasuna Fundazioak 2024ko Alkartasuna sariekin omenduko ditu Baleak Elkartea eta Philippe Aramendi abertzale historikoa, euskal kultura bultzatzeko egindako lanagatik. Jokin Etxebarria Harrera elkarteko koordinatzailea, Euskal Herriaren garapen eta kohesioari egindako ekarpenengatik, eta Irungo Harrera Sarea, migratzaileekin egindako lan humanitarioagatik.

Sariak Urriaren 26an banatuko dira, Baionako Le Bayonne hotelean, goizeko 11:00tan hasiko den ekitaldian.

• Saridunak
  

Continuar leyendo »

Subiranotasuna eta Nazioaniztasuna

Bartzelona. 2024/09/10

Alkartasuna Fundazioaren ordezkaritza bat, Lorena Lopez de Lacalle presidentea buru duela, Bartzelonan da Euskal Herriko, Paisos Catalans, Galiza, Andaluzia eta Kanarietako ezkerreko subiranismoen hausnarketa estrategikorako gunea den Forum Subiranistan parte hartzen.

Aldatu Gidoia euskararen alde!

Euskara, kultura, ikus-entzunezko ekoizpen, sindikalismo eta hezkuntza munduko hainbat kolektibok bat egin dugu ‘Aldatu gidoia euskararen alde’ kanpainarekin

Guk euskaradun gizartea behar dugu euskaldun bezala existitzen jarraitzeko!

Maiatzaren 18an, Gasteizen, hogeita hamar gizarte-eragilek baino gehiagok Eusko Jaurlaritzari eskatu diogu kultura eta euskarazko sortzaileak EiTBrentzat lehentasunezkoak izatea.

• www.change.org/p/eusko-jaurlaritza-eitb-aldatu-gidoia-euskararen-alde

• https://x.com/AldatuGidoia 

Think tank

Alkartasuna Fundazioak Coppieters Foundation -Ideas for Europe- erakundearen Batzar Nagusian parte hartu du

2024/03/07. Brusela

Europako fundazio politiko eta kulturalak bildu gara Europa bidezkoagoa, eta solidarioagoa sortzen lagunduko duten herrien eskubide kolektiboei buruzko proposamenak eta proiektuak partekatzeko.

Autodeterminazioari, gutxiengoen eskubideei, hizkuntza eskubideei eta justizia sozialari buruzko urteko lan-planaren onarpena izan da batzarraren ardatza. Gainera, European Free Alliancek (EFA) martxoaren 8an Europan feminismoa bultzatzeko antolatutako eztabaida publikoan parte hartu dugu.

Subiranismo

Forum Subiranistaren osoko bilkura

2024/03/02

Ezkerreko subiranotasunaren elkarte eta fundazio politiko, kultural eta sindikaletako ordezkariek, martxoaren 2an, larunbata, egindako topaketa birtual batean, 2024an Estatuko herrien hizkuntza-eskubideen aldeko proiektu bateratuen garapena aztertu genuen.

Urtean zehar Estatuaren errealitate plurinazionalaren kudeaketa demokratikoa, antifaxismoa eta kulturaren eta hizkuntzen eginkizun kohesionatzailea azpimarratuko dira.

Itsas Gudari Eguna

‘Herrigintzatik naziogintzara’

Martxoaren 3an, igandea, Alkartasunak eta Eusko Alkartasunak Itsas Gudari Eguna ospatu dugu Bermeon, Matxitxakoko batailaren 87. urteurrena dela eta.

11:00etan lore eskaintza eta ikurrinaren igoera egin ziren Nestor Basterretxearen ‘Matxitxakoko Guda’ eskulturaren inguruan.

12:15ean, Bermeoko Kafe Antzokian, Bizkaiko EAko koordinatzaile Rakel Goñik parte hartu zuen.

Bideoak

Prestakuntza

Eskola Subiranista

Burujabetza eta politika eraldatzaileak trantsizio ekosozial baterako

Eusko Alkartasuna, Gazte Abertzaleak eta Alkartasuna Fundazioaren ordezkaritza batek ezkerreko subiranistekin eta klima-larrialdian eta mugikortasunean adituak direnekin ‘Burujabetza eta politika eraldatzaileak trantsizio ekosozial baterako’ topaketetan parte hartuko du asteburu honetan. Antolatzaileak: Fundacions Darder-Mascaró, Coppieters Foundation, Ciemen.

Mallorca 2023/12/1-3

• Egitaraua

• Bideo: 'Legegintzaldi honetako erronka plurinazionala'. Idurre Bideguren

Prestakuntza

Neuropolitika

Zer da politika? ¿Qué es lo que más le importa a la gente? ¿Cómo nos condicionan los sesgos cognitivos? Nola kudeatu gure emozioak jarduera politikoan?

Kudeaketa emozionalak esparru politikoan duen garrantzia aztertzen dugu Mikel Oraa kazetariarekin. Pertsona jasangarririk gabe ezin da mundu jasangarririk egon.

2023/11/04 Bilbon eta 2023/12/16 Gasteizen